ថ្ងៃសុក្រ ទី៦ ខែតុលា ឆ្នាំ២០២៣ វេលាម៉ោង១៥:០០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ដោយរួមគ្នាគោរព និងអនុវត្តគោលនយោបាយភូមិ សង្កាត់មានសុវត្ថិភាព បានស្តាប់ និងរួមយោបល់គ្នាដោះស្រាយបញ្ហាប្រឈម និងសំណូមពររបស់បងប្អូនប្រជាពលរដ្ឋអញ្ជើញមកពី១៣ភូមិទាំង សរុបចំនួន៧៨នាក់ ទទួលបានលទ្ធផលឆ្លើយតបយ៉ាងពេញចិត្ត ស្របតាមលក្ខណសម្បត្តិការងារទាំង៧ ចំណុច ដែលរាជរដ្ឋាភិបាលបានកំណត់ ក្នុងឱកាសដ៏មានសារសំខាន់នេះ ឯកឧត្តមក៏បានផ្តាំផ្ញើលើកទឹកចិត្តសូមបងប្អូនប្រជាពលរដ្ឋបន្តខិតខំថែទាំរក្សាសុខភាពផ្ទាល់ខ្លួននិងក្នុងសហគមន៌ឲ្យបានជាប់ជាប្រចាំ។